බ්ලොග් සටහන

සිරි සද්දර්මය යනු බුදුන් වහන්සේ වදාල දහමයි. පුද්ගලයෙකුට නිවෙන්නට, නිවනින් සසර කෙලවර කරන්නට, නිබ්බාන වන්නට කියා දුන් දහමයි. එමගින් පුන්‍ය ශක්තිය ඇත්තවුනට  සසර කෙළවර කරගැනීමේ හැකියාව ඇත. ඒ මග අනුගමනය කිරීම නොහොත් දම්මානුදම්ම පටිපදාවේ යෙදීම තුලින් සිතේ නිවීම අත්දකින්නේ නම්, තවදුරටත් එහි හැසිරෙන ලෙස කාලාමා සූත්‍රය මගින් බුදුන් වහන්සේ දේශනා කොට ඇත. 

එනමුත්, පෙර පින නැතියවුනට මෙය තවත් බණක් පමණි. හඳ පෙන්වූ විට හඳ දෙස නොබලා ඇගිල්ලේ ඇද කියන්නාක් මෙන් විවිද හේතු දක්වමින් සිටිති. තමන් තුල නිවීමක් නොසොයති. බාහිර ලෝකය නිවැරදි කිරීමට වෙර දරති. එනිසා උපන් ගින්නෙන් දැවී දැවී හදා ගන්නා ද්වේශ ගතියට අනුරූපව, චුති සිත සකස් වී මීලග උප්පත්තිය සකස්වන බව ඔවුන් නොදනිති. සතර අපාගත වන බව නොදනිති. මෙම උත්සහය එවැනි ඔබ වෙනුවෙන්ය.