සංසාර ගමනට සත්වයා ඇදබැඳ තබන්නේ ණය ගනුදෙණුව නිසාවෙනි. තමන් විසින් හදන ලද හේතුවට අනුව ඵලය ඔබට උරුමය. කරන ලද පිනෙහි හෝ පවෙහි විපාක ඔබට උරුමය. ධර්මතාවය එයයි. තිස් එක් තලයේ ඉපදීමට හේතු සකස් කරන්නේ ඔබමය……….

එබැවින්, 

තවදුරටත් සංසාර ගමනෙහි යෙදීම නිසා ඇති වන බියකරු බව දැක, සසර ගමන කෙලවර කිරීමට ඔබට අවස්තාව හිමිය. තව දුරටත් තමා ගෙනගිය ආස්වාද වැඩ පිලිවෙලෙහි කිසිම ගත යුත්තක් නැති බවත්, එම වැඩ පිලිවෙළ නිසා උපදින පින හා පවෙහි විපාක විඳීමට තමන් සසර ගමනට බැඳෙන බවත්,  පින හා පව දෙකින්ම මිදිය යුතු බවත්, එනම් කුසලය වැඩිය යුතු බවත්,  මිනිසෙකු  ලෙස උපත ලද මෙම ජාතියෙහි, ඔබට කල්‍යාණ මිත්‍රයෙකුගෙන් බන ඇසීමෙන් අත් දැකිය හැකිය………

වෙනත් විදියකට කියතොත්, සසර ගමනින් මිදී නිදහස් වීමට නම්, තමාගේ ණය ගනුදෙණුවෙන් ද  මිදී නිදහස් විය යුතු බව ඔබ තේරුම් ගන්නවා ඇත……. 

මෙම දැක්ම හට ගත් සුතවත් අරිය ශ්‍රාවකයා, ඉදිරියට ඇතිවන ණය ගනුදෙනුවලින් මිදීමට අදිටන් කර ගනී.

තවද, රාගයෙන්,  ද්වේශයෙන්, මෝහයෙන් සසර ගමන තුල ක්‍රියාත්මක වීම නිසා ගොඩ නගාගෙන ඇති ණය කන්දෙන්ද ගැලවිය යුතු බව තේරුම් ගනී. එනම් ණය විනය කළ යුතු බව තේරුම් ගනී. ඒ සඳහා කමාව ගැනීම මගින්, ණය කොටසකින් ගැලවී යා හැකිය. තවද, පින් බලාපොරොත්තුවෙන් සිටින ණය ගනුදෙණුකරුවන් හට කැපකොට පින් අනුමෝදනා කිරීම මගින්ද, ඔබට ණයෙන් මිදී නිදහස් විය හැකිය. එම මහගු ක්‍රියාව සිදු කළ හැකිවීම මෙම පුන්‍ය භූමියේ විශේෂත්වයයි….

ඔබට එම ඥාති ධර්මයන් පෙන්වා දී, ඔබට නිබ්බාන වීමට ඇති බාධක/ ආවරණ ඉවත් කරදීමට උපකාර කිරීම, මෙම ධම්මායතනයේ අරමුණයි.